Италия футбол федерацияси (FIGC) 2023 йил 27 январдан бошлаб А Серияда ўйиндан ташқари ҳолатни аниқлашнинг ярим автоматик тизими бўлган SAOT технологиясини жорий этишини эълон қилди. Шу кунга Италия чемпионатининг 20-туридан ўрин олган дастлабки ўйинлар ўтказилиши режалаштирилган. Бу ҳақда ташкилотнинг расмий сайти хабар берди.
“Кенгаш Лиссондаги IBCда жорий офлайн синовлар тугагандан сўнг, 2023 йил 27 январга режалаштирилган А Сериянинг 20-туридан бошлаб SAOT технологиясини (ярим автоматик офсайд деб аталади) жорий этишга рухсат берди”, - дейилади Италия футбол федерацияси баёнотида.
Шундай қилиб, А Серия 2022 йилнинг 20 ноябридан 18 декабрига қадар Қатарда бўлиб ўтган жаҳон чемпионати каби офсайд тизими жорий қилинган биринчи лига бўлади.
