"Ньюкасл" АПЛ доирасидаги ўйинда "Лестер" устидан йирик ҳисобда ғалаба қозонди (3:0).

Бу ғалаба жамоа учун қаторасига олтинчи ғалаба бўлди.

"Лестер" устидан қозонилган ғалаба ЖЧ-2022дан кейинги биринчи ўйинда қайд этилди. Қатардаги жаҳон чемпионати олдидан "Ньюкасл" Премьер-лигада 19 октябрда "Эвертон" (1:0), 23 октябрда "Тоттенхэм" (2:1), 29 октябрда "Астон Вилла" (4:0) ва 6-ноябрда "Саутгемптон"ни (4:1), 12 ноябрда "Челси"ни мағлуб этди (1:0).

Ушбу муваффақиятлар эвазига "Ньюкасл" "Манчестер Сити"ни ортда қолдириб, АПЛда иккинчи ўринга кўтарилди.

SkySports маълумотларига кўра, "Ньюкасл" 2003 йилнинг январь ойидан бери биринчи марта АПЛ турнир жадвалида 2-ўринга кўтарилди (ҳар бир мавсумнинг биринчи тур натижаларини ҳисобга олмаганда).