"Ювентус" дарвозабони Войцех Шесни "Стандард" билан ўртоқлик учрашувида (1:1) жароҳат олди.
Football Italia хабарига кўра, ўйин давомида польшалик бўйнидаги муаммо туфайли унинг ўрнига футболчи майдонга тушишини сўраган. Ҳозирча жароҳатнинг қай даражада жиддийлиги номаълум.
"Ювентус"нинг ЖЧ-2022даги танаффусдан кейинги биринчи расмий ўйини 4 январь куни "Кремонезе" билан бўлиб ўтади. Италия А Серияси турнир жадвалида жамоа 15 учрашувда 31 очко жамғариб, учинчи ўринни эгаллаб турибди.
Шесни жорий мавсумда “Ювентус” сафида барча турнирларда 13 та ўйин ўтказиб, 12 та гол ўтказиб юборди ва 7 та ўйинда дарвозаси даҳлсизлигини сақлаб қолди.
