"Манчестер Юнайтед" ҳужумчиси Маркус Рэшфорд кетма-кет олтинчи ўйинда гол урди.
Англиялик футболчи 60-дақиқада захирадан майдонга тушган Англия Лига кубогида “Чарльтон”га қарши ўйинда дубль қайд этди.
Ҳужумчининг голли серияси 21 декабрь куни "Бёрнли" билан ўйинда (2:0) бошланган. Умуман олганда, ЖЧ-2022 учун танаффус тугагандан буён Рэшфорд олтита ўйинда еттита гол ва иккита голли узатмани амалга оширди.
10 январдан 11 январга ўтар кечаси Англия Лига кубоги чорак финали доирасидаги ўйин бўлиб ўтди ва унда "Манчестер Юнайтед" ҳамда "Чарльтон Атлетик" клублари тўқнаш келишди. Ўйин Тошкент вақти билан 01:00да бошланди. “Манчестер Юнайтед” 3:0 ҳисобида ғалаба қозониб, мусобақанинг ярим финалига йўл олди.
