"Рома" ярим ҳимоячиси Николо Дзаньоло фаолиятини Англия Премьер-лигасида давом эттириш имкониятига эга. Жорий трансфер ойнасида Лондоннинг "Тоттенхэм" клуби 23 ёшли футболчини ўз сафига қўшиб олмоқчи, дея хабар беради Gazzetta dello Sport.
Италиялик ярим ҳимоячини “шпорлар”дан ташқари “Вест Хэм” ва “Ноттингем Форест” жамоалари ҳам таклиф қилмоқчи.
Николонинг потенциал трансфер суммаси 30 миллион еврога баҳоланмоқда. Унинг Рим клуби билан шартномаси 2024 йилнинг ўрталарига қадар тузилган.
Жорий мавсумда Дзаньоло “Рома” сафида 17 та ўйинда майдонга тушиб, 2 та гол урди ва 3 та голли узатмани амалга оширди.