Пайшанба куни "Барселона"ни Испания кубоги доирасида яна бир синов - учинчи дивизион вакили "Сеута"га қарши сафар ўйини кутиб турибди.

"Барселона"

Рональд Араухога катта эҳтимол билан эртанги баҳсда дам берилади. Хави "Реал"га қарши Суперкубок финалидан сўнг шундай қарорга келган. Шунингдек, Левандовски ўйинни асосий таркибда бошлайди. Унинг Ла Лигадаги дисквалификацияси яна бир учрашувдан сўнг якунланишини ҳисобга олсак, Роберт эртага майдонда бор кучини ишга солиши мумкин.

Тахминий бошланғич таркиб:

Тенас; Бельерин, Гарсия, Алонсо, Альба; Кессиэ, Де Йонг, Торре; Рафинья, Левандовски, Ферран.

“Роналд Араухо дам олади, балки яна бирор футболчига шундай имкон яратармиз. Қолганларига келсак, "Сеута" билан жангга тайёр. Биз дам ололмаймиз, барча нима қилишни яхши билади. Биз фаол ва тажовузкор бўлишимиз керак. Концентрацияни йўқотмаслигимиз керак”, - деди Хави.

"Сеута"нинг тахминий таркиби:

Монтагод; Гарсия, Лафарж, Гутьеррес, Масиас; Рейна, Лопес; Гонсалес, Куэвас, Редондо; Риос.