"Ньюкасл Юнайтед" 18 ёшли бразилиялик ҳужумчини ўз сафига қўшиб олмоқчи.
Фабрицио Романонинг сўзларига кўра, инглиз клуби "Фламенго"га Матеус Франканинг трансфери учун 16 миллион евро таклиф қилган. Бразилияликлар таклифни қабул қиладими ёки йўқми, номаълум.
Қайд этилишича, ҳужумчига "Лион" ва "Реал" ҳам қизиқиш билдирмоқда. Франкани Мадрид клуби скаутлари кузатиб бормоқда.
2022 йилда ҳужумчи Бразилия чемпионатида 16та ўйин ўтказиб, 4та гол урган.













