"Интер" ҳимоячиси Милан Шкриньяр ёзда "ПСЖ"га ўтиш шартларини эълон қилди. Журналист Адриен Грениернинг ёзишича, словакиялик футболчи Франция жамоасидан 25 миллион евро бонус ва йилига 9 миллион евро атрофида маош талаб қилмоқда.
Эслатиб ўтамиз, аввалроқ Шкриньяр "Интер" билан шартномасини узайтиришдан бош тортган эди. "Нерадзуррилар" ҳимоячига йилига 6,5 миллион евро маош таклиф қилишди, бу эса футболчига тўғри келмади.
27 ёшли Шкриньяр ўтган ёзда "ПСЖ"га ўтиши мумкин эди, аммо "Интер" раҳбарияти унинг учун 70 миллион евро сўраган, бу эса парижликларга ёқмаган.
