Миланнинг “Интер” клуби “Рома” ҳимоячиси Крис Смоллингни ўз сафига қўшиб олиш борасида музокараларни бошлади. Бу ҳақда италиялик журналист Никола Скира хабар берди.

Манбага кўра, "нерадзуррилар" Смоллинг трансферини ёзда, яъни англиялик футболчи эркин агентга айланганда расмийлаштирмоқчи. Футболчининг ўзи, аввал хабар қилинганидек, ҳозирги клуби билан шартномани узайтиришга шошилмаяпти. Шунингдек, “Интер” Смоллингга мавсумига 3,5 миллион евро маош билан 2025 йилгача шартнома таклиф қилди. Қайд этилишича, англиялик ҳимоячига "Интер" клубидан ташқари Туриннинг “Ювентус” клуби ҳам қизиқиш билдирмоқда.

33 ёшли Смоллинг “Рома”да 2019 йилдан буён ўйнаб келмоқда. Ҳимоячи 2019/2020 йилги мавсумни Рим жамоасида ижара асосида ўтказди, шундан сўнг у Италия клубига тўлиқ ўтди. Смоллинг жорий мавсумда 24 та ўйинда 3 та гол урди.