"Челси" сардори ва ҳимоячиси Сесар Аспиликуэта клубдаги 500-ўйини ҳақида фикр билдирди. У АПЛнинг 21-туридан ўрин олган "Ливерпуль" билан ўйинда (0:0) иштирок этди.
“Мен “Челси” сафида 500 та ўйин ўтказганимдан фахрланаман. Мен ҳеч қачон индивидуал ютуқларга эътибор бермаганман, чунки жамоа мени олдинга олиб борадиган кучдир ва шундай бўлиб қолади. Бироқ, танланган афсоналар гуруҳининг бир қисми бўлиш мен учун шарафдир", - деб ёзди Аспиликуэта ўзининг Twitter саҳифасида.
33 ёшли футболчи "Челси"га 2012 йилнинг ёзида келиб қўшилган эди. Жамоа таркибида икки марта Англия чемпионати ва Европа Лигаси, бир мартадан мамлакат кубоги, Чемпионлар лигаси ва УЕФА Суперкубогини қўлга киритган.
