Фабрицио Романонинг сўзларига кўра, "Лидс" "Ювентус" ярим ҳимоячиси Уэстон Маккенни билан шартнома имзолашни якунлаш устида ишламоқда.
Инглиз клуби 24 ёшли футболчини ижарага олишни ва шартномага сотиб олиш вариантини киритишни кутмоқда. Америкалик футболчининг ўзи аллақачон трансферга рози бўлган, энди "Лидс" туринликлардан якуний жавобни кутмоқда.
Дастлабки маълумотларга кўра, "Ювентус" Уэстонни 30 миллион еврога баҳолаган.
Жорий мавсумда Маккенни туринликлар сафида 21 та ўйин ўтказиб, 3 та гол ва 2 та голли узатмани амалга оширган.