«ПСЖ» ва Аргентина терма жамоаси ҳужумчиси Лионель Месси ўзининг машҳурлиги ва оддий одамдек яшаш истаги ҳақида гапирди.
«Мен ҳозир дунёнинг «1-рақамли қаҳрамони» эканлигимни ҳис қилиб турибман. Бироқ ҳар доим оддий одам бўлишга ҳаракат қилганман. Энг қийини — ҳар куни инсон бўлиб қолиш. Оддий одамдек яшанг, ҳаётдаги кичик нарсалар, оилангиз, фарзандларингиздан завқлана билинг.
Машҳур бўлиш ва эътироф этилиш учун ҳеч нарса қилганим йўқ. Мен ҳар доим ўзим бўлишга ва одатдагидек яшашга ҳаракат қилганман.
Менимча, мен каби оилам ҳам оддий кишилардан иборат. Ҳа, улар мени танийдилар, дастхат, сурат сўрашлари мумкин, лекин мен доим оддий одамдек яшашга ҳаракат қиламан», - дея Мессининг сўзларини келтиради Ole.
