"Брентфорд" дарвозабони Девид Райя "Челси"нинг нишонига тушди, деб хабар беради The Telegraph.
Лондон клуби ёзги трансфер ойнасида испаниялик дарвозабон билан шартнома имзолашни режалаштирмоқда. Унга "Манчестер Юнайтед" ва "Тоттенхэм" ҳам даъвогарлик қилмоқда.
Райянинг "Брентфорд" билан шартномаси 2024 йилнинг ёзида якунига етади. Клуб аллақачон дарвозабонга шартномани узайтиришни таклиф қилган, бироқ рад жавоби берилган.
27 ёшли Райя жорий мавсумда барча турнирларда 22 та ўйинда майдонга тушиб, “Брентфорд” сафида 30 та гол ўтказиб юборган.