Ҳимоячи Марио Эрмосо Мадриднинг "Атлетико" клуби билан янги шартнома имзолаши мумкин. Бу ҳақда Marca нашри хабар бермоқда.
Манбанинг ёзишича, "матрасчилар" раҳбарияти 27 ёшли футболчига Англия Премьер-лигаси клублари ҳамда Ла Лиганинг иккита клубининг қизиқишлари фонида ҳамкорликни узайтиришни таклиф қилишга қарор қилишган.
Томонлар ўртасидаги амалдаги шартнома келаси йилнинг ёзида якунига етади. Жамоа бош мураббийи Диего Симеоне раҳбарият ташаббусини қўллаб-қувватлади.
2022/2023 йилги мавсумда Эрмосо "Атлетико" сафида 18 та ўйинда қатнашиб, 3 та гол урди.
