«Рома» ҳужумчиси Пауло Дибала Европа лигаси плей-офф босқичи жавоб учрашувида «Зальцбург» устидан қозонилган ғалаба (2:0) ҳақида фикр билдирди. Бу ўйинда у гол урди.
«Анча қийин ўйин бўлди, лекин биз финалдагидек ҳаракат қилдик. Жамоадошларим истак ва характер жиҳатидан ақл бовар қилмас ўйин кўрсатишди.
Биринчи дақиқаданоқ бор кучимизни беришга ҳаракат қилаётганимиз яққол кўринди. Бундай ўйинларда 100 фоиз ўйнай олмасам ҳам бор кучимни беришим керак», - дея Дибаланинг сўзларини келтиради УЕФА сайти.
