Яқин келажакда "ПСЖ" бош мураббийи Кристоф Галтьенинг клубдаги тақдири ҳал бўлади.
Буни кўп жиҳатдан Лига 1нинг бўлажак ўйинлари ва "Бавария"га қарши Чемпионлар лигаси 1/8 финал жавоб ўйинлари натижалари аниқлаб беради. Париж клуби раҳбарлари янги мураббий таклифи бўйича ҳаракат режаси бор. Парижлик раҳбарлар жамоанинг собиқ устози Томас Тухель билан яхши муносабатда бўлишди, бироқ германиялик мураббий шошқалоқлик қилмоқчи эмас, у барча мумкин бўлган таклифларни ўрганиб чиқмоқчи.
Тиаго Мотта ҳам номзод сифатида кўрилмоқда, бироқ Париж раҳбарияти унинг ҳали етарлича тажрибаси йўқ, деб ҳисобламоқда. "ПСЖ" футболчилари Галтьенинг баъзи тактик қарорларига рози бўлмасликларига қарамай, унга яхши муносабатда.
