"Бавария"нинг собиқ бош мураббийи Юлиан Нагельсманн "Реал"ни бошқариши мумкин.
Таниқли журналист Фабрицио Романонинг сўзларига кўра, испан клуби раҳбарияти 35 ёшли устозни узоқ вақтдан буён кузатиб келган ва уни доимо ўта иқтидорли мураббий деб ҳисоблаган.
Олдинроқ "Реал"нинг амалдаги устози Карло Анчелотти ёзда "қаймоқранглилар"ни тарк этиши мумкинлиги ҳақида хабарлар тарқалган эди. Олдин Мадрид жамоаси билан ишлаган Зинедин Зиданни клуб президенти Флорентино Перес италиялик мураббий ўрнига асосий вариант сифатида кўрмоқда.
Эслатиб ўтамиз, Нагельсманн кеча, 24 март куни "Бавария"ни расман тарк этган эди. Унинг ўрнини аввалроқ «Челси», «ПСЖ» ва Дортмунднинг «Боруссия» клубларида ишлаган машҳур немис мутахассиси Томас Тухель эгаллади.
