Ада Хегерберг ёзда "Барселона" аёллар жамоасига ўтиши мумкин.
Marca нашри хабарига кўра, "Олтин тўп"нинг биринчи аёл совриндорини қўлга киритиш "Барселона"нинг ёздаги асосий мақсадларидан биридир.
Хабар қилинишича, “Барселона” илк бор Хегербергга Аёллар ўртасидаги Чемпионлар Лигаси финалидан сўнг қизиқиш билдирган, ўшанда “Лион” “Барселона”ни 3:1 ҳисобида мағлуб этган, Хегерберг гол урган ва голли узатма берган.
Кейинроқ “Барселона” президенти Жоан Лапорта ўтган йилнинг октябрь ойида “Олтин тўп”ни топшириш маросимида футболчи билан шахсан учрашган эди. Қайд этилишича, Хегерберг ёзда "Лион"ни тарк этишга тайёр, чунки у фаолиятининг бу босқичи якунига етганига ишонмоқда.
Ада Хегербергнинг "Барселона"га ўтган трансфер суммаси аёллар футболи тарихида рекорд бўлиши мумкин - "Барселона" 420 000 евро таклиф қилишга тайёр. Айни пайтда энг қиммат трансферни ҳам "Барселона" амалга ошириб, Кира Уолш учун 400 минг тўлаган.
