"Атлетико Мадрид" президенти Энрике Сересо "Негрейра иши" бўйича "Барселона"га қўйилган айбловлар ҳақида гапирди.

Эслатиб ўтамиз, "кўк-анорранглилар" Испания ҳакамлар қўмитаси вице-президентига пора берганликда айбланмоқда.

"Ростини айтсам, "Негрейра иши" мени унчалик қизиқтирмайди. Агар "Барселона" ҳақиқатан ҳам Негрейрага пора берган бўлса, буни исботлаш керак. Биз тергов тугашини кутишимиз керак", - деди Сересо Atletico Universe билан суҳбатда.

Эслатиб ўтамиз, "Барселона" "Негрейра иши" бўйича клубнинг айби исботланса, келаси мавсум учун еврокубоклардан четлатилиши билан таҳдид қилинмоқда. Хави Эрнандес шогирдлари айни дамда "Реал"дан 11 очко кўп тўплаган ҳолда Ла Лигада пешқадамлик қилмоқда.