"Милан" ўзининг асосий ҳужумчиси Рафаэль Леау билан шартномани узайтириш устида фаол ишламоқда. Журналист Фабрицио Романонинг ёзишича, "россонерилар" португалиялик ҳужумчи билан тезроқ янги шартнома тузмоқчи.

Эслатиб ўтамиз, Леаунинг "Милан" билан амалдаги шартномаси 2024 йилнинг ёзида якунига етади, бу эса "россонерилар"ни кейинги трансфер ойнасида ноқулай аҳволга солиб қўяди. Португалиялик футболчининг шартномасида 150 миллион евро миқдорида товон пули ҳам кўрсатилган.

Аввалроқ Англия Премьер-лигасининг кўплаб клублари Леауга қизиқиш билдирган.