"Атлетико Мадрид" президенти Энрике Сересо ҳужумчи Жоау Феликс келаси мавсум қаерда ўйнашини ҳали билмаслигини маълум қилди.
Эслатиб ўтамиз, португалиялик футболчи ушбу мавсумнинг иккинчи ярмини Лондоннинг "Челси" таркибида ижарада ўтказмоқда.
"Ёзда Феликс билан нима бўлишини билмайман. Ҳозирда у "Челси"да ўйнайди. У яна бир мавсум у ерда қолиши мумкин, аммо биз бутун вазиятдан хавотирда эмасмиз", - деди Сересо.
Феликс январь ойида "Челси"га ўтганидан бери Англия Премьер-лигасида учта гол урди. Олти ойлик ижара учун Лондон клуби "Атлетико"га 11 миллион евро тўлаган.
