Бугун Англия Премьер-лигаси 36-туридан ўрин олган яна бир қизиқ учрашув бўлиб ўтади - «Лестер» «Ливерпул»га қарши.

«Лестер»

«Тулкилар» айни дам 19-ўринни банд этган ҳолда ўзларига ярашмайдиган жойдан тепага чиқиш учун ҳаракат қилмоқда. Хавфсизроқ бўлган 17-поғонадан 2 очко фарқ ажратиб турибди. Жаҳон чемпионатидан кейинги даврни ҳисобга олсак, жамоа 20 баҳсдан атиги 3 тасида зафар қучди. Рақибда эса аксинча, мерсисайдликлар кетма-кет 7-ғалабаси сари яқинлашмоқда. Дин Смит мураббий сифатида сўнгги бор «Ливерпул»ни қабул қилганда 7:2 ҳисобида зафар қучганини ҳам унутмаслик керак. Ҳозир буни бажариш қийиндир, аммо... «Тулкилар» сўнгги учрашувларни «Ньюскасл» ва «Вест Хэм»га қарши ўтказади. Бироқ «Лестер»га далда берувчи жиҳатлар ҳам йўқ эмас. Масалан, клуб сўнгги 10 голнинг 8 тасини кучли тўртликдаги жамоаларга қарши киритган. Бироқ ЖЧдан сўнг ҳар 20 ўйинда ўз дарвозасидан тўп олиб чиқмоқда.

«Ливерпуль»

«Брентфорд»га қарши баҳсдаги гол Салоҳ учун АПЛ жорий мавсумидаги 19, «Энфильд»даги 100-гол сифатида тарихга кирди. «Юнайтед» билан барибир 4 очколик фарқ сақланиб қоладиган кўринади. Қизиқ томони, «Ливерпул»нинг сўннги 6 ғалабаси бир тўп фарқи билан қўлга киритилмоқда. 2002 йилги «Эвертон»дан бери бу натижага деярли ҳеч ким эришолгани йўқ. Жамоанинг «Кинг Пауэр»га қилган сўнгги икки сафари мағлубият билан тугаган.

Янгиликлар

Дин Смит бугун Вестергорд, Жастин, Бертранд ҳамда Ихеаначо хизматларидан фойдалана олмайди.

«Ливерпул»да эса Фирмино, Кейта, Байчетич, Рэмзи, Алькантара жамоасига ёрдам бера олмайди.

Жамоаларнинг сўнгги ўйинидаги статистика

Салоҳнинг жорий мавсумдаги статистикаси