Олий лиганинг 22-мавсуми ҳам тобора ўз интиҳоси томон яқинлашиб бормоқда. Яна тўрт турдан сўнг жамоалар катта танаффусга йўл олади.

Олдин айтиб ўтганимиздек, бугун Олий лигада қолиш илинжида юрган "Навбаҳор" ва унинг рақибларининг кейинги учрашувлари ҳақида тўхталиб ўтамиз.

"Олмалиқ", "Қизилқум", "Навбаҳор", "Динамо", "Машъал" ва "Металлург" жамоалари 13-ўринга эгалик қилиш учун "даъвогар" бўлиб турибди. Олти жамоа иштирокидаги сўнгги учрашувлар жуда қизғин ўтиши аниқ.

Бундай олиб қараганда, олти жамоа ичида биргина "Навбаҳор"ни олдинда қийин учрашувлар кутиб турибди. Хусусан, "Бунёдкор", "Локомотив", "Шўртан". Бугун "Локо" қандай ўйнаганини кўрдик. Фоменко "Бунёдкор"га гол уриш бўйича олдинга чиқиб олгалиги аниқ. Унинг ҳам собиқ жамоасига атагани бордир-а?

Қолган аутсайдерлар сўнгги ўйинларни асосан бир-бирларига қарши ўтказишади. Келинг, мазкур "қора" рўйхатдаги жамоаларнинг кейинги учрашувларининг тақвимини ҳавола этсак.

23-тур
"Динамо" – "Андижон"
"Бухоро" – "Қизилқум"
"Металлург" - "Шўртан"
"Бунёдкор" – "Навбаҳор"
"Олмалиқ" – "Машъал"

24-тур
"Локомотив" – "Навбаҳор"
"Қизилқум" – "Металлург"
"Машъал" – "Бухоро"
"Андижон" - "Олмалиқ"
"Пахтакор" – "Динамо"

25-тур
"Динамо – "Нефтчи"
"Олмалиқ" – "Пахтакор"
"Металлург" – "Машъал"
"Бунёдкор" – "Қизилқум"
"Навбаҳор" – "Шўртан"

26-тур
"Машъал" – "Бунёдкор"
"Андижон" – "Металлург"
"Нефтчи" – "Олмалиқ"
"Насаф" - "Динамо"
"Қизилқум" – "Навбаҳор"

"Металлург" ва "Навбаҳор" жамоаларининг имкониятлари бироз пастга ўхшамоқда. "Навбаҳор"нинг қолган учрашувларда 4 очко олишига ишониш қийин. 3 очко ҳам сўроқ остида-ку! Эндиликда "Металлург" кўрсатаётган ўйинлар бизни бефарқ қолдирмайди. Сўнгги турлар бизга ҳақиқий жонли футболни туҳфа этишига шубҳа йўқ! Бир ўринга 6 та жамоанинг "курашиши" Олий лигамизда қуйидаги интригани ошганини кўрсатмоқда.