"Барселона" бош мураббийи Хави жамоа ҳимоячиси Жюль Кунде билан можаро бўлганлиги ҳақидаги миш-мишларга муносабат билдирди.
Аввалроқ 24 ёшли франциялик футболчи Хави ундан ўнг қанот ҳимоячиси сифатида фойдаланаётган позициясидан норози бўлгани учун ёзда "Барселона"ни тарк этиш ниятида экани ҳақида хабар берилганди. Испаниялик мутахассиснинг сўзларига кўра, ҳозир унинг Кунде билан келишмовчилиги йўқ.
"Унинг марказда ўйнашни хоҳлаши мантиқан тўғри, чунки у марказий ҳимоячи. Энг муҳими, жамоа индивидуалликдан юқори бўлиши керак. Кунде билан биз бир-биримизни тушундик ва бизда ҳеч қандай муаммо йўқ", - деди Хави.
Жорий мавсумда Кунде "кўк-анорранглилар" сафида 39 та ўйинда майдонга тушиб, битта гол урди ва 6 та голли узатмани амалга оширди. Франциялик футболчи ўтган ёздан бери "Барселона"нинг шарафини ҳимоя қилмоқда.
