"Челси" ярим ҳимоячиси Конор Галлахер Лондоннинг бошқа клубига ўтиши мумкин.

Football London нашри хабарига кўра, 23 ёшли ярим ҳимоячи хизматларига "Тоттенхэм" қизиқиш билдирмоқда. Олдинроқ "кўклар"нинг янги бош мураббийи Маурисио Почеттино Галлахерни ўз жамоасида кўрмаётгани ҳақида хабар берилганди.

Манбага кўра, "Тоттенхэм" ҳам "Ньюкасл" даъво қилаётган британиялик футболчи учун курашга қўшилиш ниятида. Қайд этилишича, “шпорлар”нинг янги бош мураббийи Анж Постекоглу Галлахернинг ўйин услубини ёқтиради.

Футболчи ўтган мавсумда Англия Премьер-лигасининг 35 ўйинида қатнашиб, учта гол урди ва битта голли узатмани амалга оширди. Футболчининг трансфер нархи 32 миллион еврога баҳоланмоқда.