“Милан”нинг собиқ ҳужумчиси Златан Ибраҳимович футбол майдонига қайтишини истисно қилмади. Аввалроқ, 41 ёшли швециялик футболчи фаолиятини якунлаганини эълон қилганди.
“Албатта, фаолиятимни якунлаганимга унчалик кўп бўлгани йўқ. Лекин балки футболга қайтаман. Балки бир ойдан кейин "Милан"нинг йиғинига қўшиларман", - деди Ибраҳимович Sport Mediaset нашрига.
Ўтган мавсумда Ибраҳимович Италия чемпионатининг тўртта ўйинида майдонга тушиб, битта гол урган.
А Сериянинг сўнгги мавсуми натижаларига кўра, "Милан" 38 учрашувдан сўнг 70 очко билан тўртинчи ўринни эгаллади. “Россонерилар” келаси мавсумда Чемпионлар лигасида иштирок этади.
