"Тоттенхэм" бу ёзда Харри Кейнни сотмайди.
ESPN хабарига кўра, клуб ҳужумчини жорий трансфер ойнаси вақтида трансферга тайёр эмаслиги ҳақида огоҳлантирган.
Аввалроқ, "Тоттенхэм" "Бавария"нинг бонусларни ҳисобга олмаганда 70 миллион евролик таклифини рад этгани хабар қилинганди. Бироқ ESPN'нинг таъкидлашича, "шпорлар" "Бавария"нинг Кейнга қизиқишидан хабардор бўлишига қарамай, расмий таклиф олмаган.
"Манчестер Юнайтед" ҳам Кейннинг ҳолатини кузатиб бормоқда, аммо бу трансфер даргумон кўринади ва ҳужумчи ўтишни талаб қилсагина амалга ошиши мумкин.
Харри Кейннинг "Тоттенхэм" билан шартномаси 2024 йилнинг июнигача амал қилади. Англиялик футболчи ўтган мавсумда "шпорлар" сафида АПЛда 38 ўйинда майдонга тушиб, 30 та гол урди.