"ПСЖ" Килиан Мбаппени бир йилдан сўнг текинга йўқотмоқчи эмас, шу боис клуб у шартномани узайтиришдан бош тортгач, футболчига босим ўтказа бошлади. Хуллас, 24 ёшли форвард жамоа билан Япония сафарига чиқмади.
Куни кеча матбуотда Мбаппе "Ал-Ҳилол"га ўтиш вариантидан бош тортгани ҳақида маълумот пайдо бўлганди.
Энди миш-мишлар франциялик футболчини Премьер-лига клублари билан боғламоқда. Daily Record хабарига кўра, "Челси" Мбаппени қўлга киритишга ҳаракат қилади. Лондонликлар ушбу шартномага бир футболчисини таклиф қилмоқчи.
Аввалроқ Килианга "Ливерпуль" қизиқиш билдиргани ҳақида хабар берган эдик.
Қайд этилишича, "Челси" эгаси Тодд Боэли “ПСЖ” президенти Носир ал-Хелайфи билан Килиан Мбаппени трансфер қилиш имкониятини аллақачон муҳокама қилган ва ёрдам олган.
