"Интер" вице-президенти Хавьер Занетти "Челси" ҳужумчиси Ромелу Лукаку "Ювентус"га ўтиши мумкинлиги ҳақидаги хабарларга изоҳ берди.
"Интер" у учун қилган барча ишларидан кейин биз ундан бошқача хатти-ҳаракат кутгандик. У хоҳлаган жойига боришга ҳақли, биз буни қабул қилган бўлардик, лекин бу ҳақда ўз вақтида айтиш керак эди. Бироқ, ҳеч ким клубдан муҳимроқ бўлиши мумкин эмас ва жамоани яратишда сиз доимо кийиниш хонасига кимни қўйиш ҳақида ўйлашингиз керак", - деди Занетти Tuttomercatoweb билан суҳбатда.
Олдинроқ "Ювентус" Лукаку трансфери бўйича "Челси" билан музокараларни давом эттираётгани хабар қилинганди.
Ўтган мавсумда 30 ёшли футболчи "Интер"да ижара асосида ўйнаганди. Ҳужумчи барча мусобақаларда 37 та ўйинда 14 та гол урди ва 7 та голли узатмани амалга оширди.
