Роберто Фирмино "Ал-Аҳли" сафидаги илк ўйинда учта гол урди.
Бразилиялик ҳужумчи “Ал-Аҳли” сафида Саудия Арабистони чемпионатининг 1-тури доирасида “Ал-Хазем”га қарши ўйинда (3:1, иккинчи бўлим) хет-трик қайд этди.
Роберто Фирмино уч дақиқа ичида дубль қайд этиб, ўйиннинг 7 ва 10-дақиқаларида гол урди ва 72-дақиқада хет-трик қайд этиб, учрашувдаги учинчи голга муаллифлик қилди.
Фирминонинг иккинчи голига Риёд Махрез голли пас берди. "Манчестер Сити"нинг собиқ ярим ҳимоячиси ўйиннинг 66-дақиқасида алмаштирилди.
Қўшимча қиламизки, "Ал-Аҳли"нинг асосий таркибида дарвозабон Эдуард Менди, ҳимоячи Рожер Ибаньес, ярим ҳимоячи Франк Кессиэ ва вингер Аллан Сен-Максимен ҳам майдонга тушган.
