"Вест Хэм" бош мураббийи Давид Мойес мексикалик ярим ҳимоячи Эдсон Альвареснинг трансфери ҳақида гапирди.
"Альварес жамоамизга қўшилганидан хурсандмиз. Бу ёзда биз трансфер бозорида яхши иш қилдик. Яхши ўйинчи билан кучайиш ҳар доим ёқимли. Умид қиламанки, биз яна бир нечта ўйинчилар билан шартнома имзолаймиз", - деди мутахассис "болғачилар" матбуот хизматига.
25 ёшли футболчининг "Вест Хэм" билан шартномаси 2028 йилнинг ўрталарига қадар тузилган. Лондонликлар сафида у 19-рақам остида ўйнайди.
Мойес шогирдлари АПЛни 12 август куни “Борнмут”га қарши сафар учрашуви билан бошлайди.
