"Бавария" бош мураббийи Томас Тухель Германия Суперкубогида "РБ Лейпциг"дан учралган мағлубиятдан сўнг (0:3) Харри Кейн ҳақидаги саволга жавоб берди.
30 ёшли инглиз футболчиси билан шартнома имзоланиши шанба кунги ўйин бошланишидан олдин эълон қилинган эди. Форвард 63-дақиқада захирадан майдонга тушди, аммо учрашувнинг боришига тасир қила олмади.
“Кейнга ачинаман. У ҳозир мавсум бошланишига машғулотларда умуман тайёргарлик кўрмадик деб ўйлаётгандир. Бугунги ўйинимиз биз кўришни хоҳлагандек эмас. Жуда ёқимсиз оқшом”, деди Тухель.
Харри Кейннинг трансфери "Бавария"га бонусларни ҳисобга олмаганда 100 миллион еврога тушди.