Афсонавий немис собиқ футболчиси Лотар Маттеус Германия терма жамоаси бош мураббийи Ханс-Дитер Фликнинг истиқболлари ҳақида ўз фикри билан ўртоқлашди.
Шанба куни Германия терма жамоаси навбатдаги омадсизликка учради ва ўртоқлик ўйинида японларга имкониятни бой берди (1:4). Германия терма жамоаси сўнгги 16 ўйинда атиги тўртта ғалабага эришди. Келаси йили тўрт карра жаҳон чемпионлари Еврони ўз уйларида қабул қилишлари керак.
“Охирги ойларда Германия футбол ассоциациясидаги вазият қандай бўлганини биламан – Фликни кўпчилик қўллаб-қувватламайди. Ҳа, Руди Фёллер ҳамон унинг томонида, лекин мен Фликни ҳалигача сақлаб қолиш мумкинлигига шубҳа қиламан”, деди Маттеус RTL телеканалига берган интервьюсида.
