Нуфузли инсайдер Фабрицио Романо Роберт Левандовски ҳақидаги янги миш-мишларга жавоб берди. Матбуотда Саудия Арабистони клублари юлдузни қишда қўлга киритиш истаги борлиги ҳақида хабарлар тарқалган эди. Романо 35 ёшли польшалик Саудия чемпионатига ўтишдан манфаатдор эмаслигини аниқ айтди.
"Левандовски Саудия Арабистонидан таклиф олди, аммо ҳеч қачон музокара ўтказмади. Унинг нияти аниқ: “Барселона”да қолиш ва бу мавсумда чемпионлик учун курашиш”, — деб ёзди Романо ижтимоий тармоқларда.
2023/2024 йилги мавсумда Роберт Левандовски тўртта ўйин ўтказиб, иккита гол урди ва шеригига битта голли узатма берди.
