Англиянинг "Борнмут" клубида ўйнаётган 25 ёшли инглиз ҳужумчиси Доминик Соланке клуб билан янги шартнома тузди.
Клуб матбуот хизмати хабарига кўра, томонлар ҳамкорликни 2027 йилнинг ўрталарига қадар узайтирган. Ҳужумчи 2019 йилнинг қишидан бери "Борнмут"да ўйнаб келмоқда.
Ўтган мавсумда Соланке 35 та ўйин ўтказиб, 7 та гол ва 7 та голли узатмани амалга оширган.
Тўрт тур натижаларига кўра, "Борнмут" Англия чемпионати турнир жадвалида 16-ўринда бормоқда. Жамоа АПЛ доирасидаги навбатдаги ўйинини ўз майдонида Лондоннинг "Челси" жамоасига қарши ўтказади.
