Хавининг фикрича, Витор Роке қишда "Барселона"га келади.
“Ҳозир спорт раҳбарияти ва Деку менга Роке январда трансфер қилинишини айтишмоқда. Кўрамиз, лекин ҳеч қандай муаммо бўлмаслиги керак. Келинг, вазият қандай бўлишини кўрамиз”, - деди “Барселона” бош мураббийи.
Июль ойида Каталония клуби "Атлетико Паранаэнсе" билан 18 ёшли форварднинг 2024 йилнинг ёзида трансфери борасида келишиб олганини эълон қилганди.
Аввалига "Барселона" Роке учун 35+10 миллион евро тўлаши хабар қилинганди. Кейин каталонияликлар белгиланган тўловни 35 дан 30 миллион еврога камайтирмоқчи экани ҳақида маълумот пайдо бўлди. Шундан сўнг, "Атлетико Паранаэнсе" "Барса"га ултиматум қўйди: клубга имзоланган ҳужжатларни юбориш учун 24 соат вақт берилди.
Клублар трансфер бўйича якуний келишувга 8 июль куни эришган. "Барса" Витор учун 30+31 миллион евро тўлайди - бу дастлаб режалаштирилганидан кўпроқ.
Бразилиялик футболчи 2022/23 йилги мавсумда “Атлетико Паранаэнсе” сафида 41 ўйинда майдонга тушиб, 20 гол ва 8 голга ассистентлик қилган.
