"Арсенал" бош мураббийи Микель Артета "ПСВ"га қарши Чемпионлар лигаси гуруҳ босқичи 1-тур учрашуви олдидан матбуот анжуманида ўз фикрларини билдириб ўтди.
"Биз ғалаба қозонишга ўрганиб қолган жуда яхши жамоага қарши ўйнаймиз. Бу жуда қийин синов бўлади, бунга ишончим комил.
Биз "ПСВ"га қарши ўйинга бошқа ҳар қандай ўйин каби муносабатда бўлишимиз керак. Биз ҳар ҳафта АПЛда кучли рақибларга қарши ўйнашга ўрганиб қолганмиз. Бу сафар ҳам худди шундай бўлади.
Бу клуб Чемпионлар лигасида ўйнаши керак. Бу узоқ давом этган жараён, лекин биз шу ердамиз ва ҳозир ундан максимал даражада фойдаланишимиз керак. Ўйлайманки, биз буни уддаладик, биз жамоа сифатида яхшироқ бўлдик, таркибимизни кучайтирдик ва биз бу ерда бўлишга лойиқмиз", - деди Артета УЕФА расмий сайтига.
