"Арсенал" бош мураббийи Микель Артета ёзда "шпорлар"ни қабул қилиб олган "Тоттенхэм" устози Анж Постекоглоу ҳақида гапирди.
Австралиялик мутахассис қўл остида “Тоттенхэм” Англия Премьер-лигасининг дастлабки 5 турида мумкин бўлган 15 очкодан 13 очкони қўлга киритди. "Арсенал" ҳам худди шундай кўрсаткични кўрсатди.
"Менга Постекоглу жуда ёқади, футболчилар у ҳақида яхши гапларни гапиришади. Айтишимиз мумкинки, "Тоттенхэм" ҳозирча тўғри йўлда кетмоқда. Бу биз ўйнаётган чемпионатнинг гўзаллиги. Премьер-лигада топ мураббийлар бор" - деди Артета матбуот анжуманида.
Эслатиб ўтамиз, АПЛнинг навбатдаги турида “Арсенал” Шимолий Лондон дербисида “Тоттенхэм” билан баҳс олиб боради.
