"Челси" бош мураббийи Маурисио Почеттино жамоа фахрийси Тьяго Силва ҳақида гапирди.
22 сентябрь куни бразилиялик ўзининг 39 ёшини нишонлади. Февраль ойида Силва "Челси" билан шартномасини 2024 йилнинг ўрталарига қадар узайтирди, ёзда эса турли миш-мишларга қарамай, клубда қолишга қарор қилди.
“Тьяго Силва шу ерда қолишни хоҳлагани учун қолди. У клубга керак эди, шунинг учун у билан янги шартнома имзоланди. Тьяго шартномани имзолаганида лойиҳа ҳақида жуда яхши билар эди", - деди Почеттино.
Силва жорий мавсумда "Челси"нинг Премьер-лигадаги барча бешта ўйинида алмаштирилмасдан ўйнади.
