Туриннинг «Ювентус» клуби январь ойидаги трансфер ойнасида «Сассуоло» ярим ҳимоячиси Доменико Берардининг трансфери учун яна бир бор рақобатлашиш имкониятини кўриб чиқмоқда.

Tuttojuve хабарига кўра, «кекса синёра» қишда яна италияликни қўлга олиш учун ҳаракат қилиши мумкин.

Эслатиб ўтамиз, ёзда «Сассуоло» «Ювентус»га Берардини сотишдан бош тортган эди. «Бьянконерилар» футболчи учун январда 15 миллион евродан кўпроқ пул тўламоқчи эмас, «Сассуоло» эса ёзда Доменикони 35 миллионга баҳолаганди.

29 ёшли Берардининг «қора-яшиллар» билан шартномаси 2027 йилгача тузилган, шу боис раҳбарият Доменикони «Ювентус» шартларига кўра қўйиб юбориши даргумон.

Ярим ҳимоячи жорий мавсум А Серияда иккита гол урди.