Мадриднинг «Атлетико» клуби ярим ҳимоячиси Маркос Льоренте ёзда Саудия Арабистонига ўтишдан бош тортгани сабабини тушунтириб берди.
Эслатиб ўтамиз, «Ал-Аҳли Жидда» испаниялик футболчига жуда катта маош таклиф қилганди.
«Нега мен Саудия Арабистонига кўчмадим? «Атлетико»да бахтлиман. Бошқа жойга кўчиб ўтишим шарт эмас.
Мен ҳозирги жамоамдан мамнунман, ўйин дақиқалари етарли, менинг оилам Мадридда узоқ муддат яшади, мен шу ерликман. Хуллас, «Атлетико» барчамиз учун идеал жой», - дея Льорентенинг сўзларини келтиради AS.
Эслатиб ўтамиз, Льоренте «Реал Мадрид» тарбияланувчиси ҳисобланади. Футболчи 2019 йилнинг ёзида «Атлетико»га ўтган эди.
