Антонио Конте мураббийликнинг ўзига хос жиҳатлари ҳақида ўз фикрлари билан ўртоқлашди.

Март ойида "Тоттенхэм"ни тарк этган 54 ёшли италиялик ҳалигача ишга қайтгани йўқ. Миш-мишларга кўра, мутахассис "Наполи"ни бошқариши мумкин эди, бироқ бу таклифни рад этган.

“Мен "Бари" билан 4-2-4 схемасида ўйнаб, муваффақиятга эришдим, кейин “Ювентус”да ҳам худди шундай йўл тутдим, бироқ Пирло ва Кьеллинининг хусусиятларини қадрлаб, 4-3-3га ўтдим ва кейинроқ учта марказий ҳимоячи билан ўйнаш тизимини тикладим.

“Челси”да мен 4-2-4 усулидан фойдаланмоқчи эдим, аммо “Арсенал” билан ўйинда танаффусда, 0:3 ҳисобида ютқазаётганимизда, тизимни ўзгартиришга қарор қилдим – якунда биз Премьер-лигада ғалаба қозондик. Барча схемалар ишлаши мумкин, аммо мураббий худди ўқитувчи каби шогирдлари қалби ва онгига кириб бориши керак", - дея мутахассиснинг сўзларини келтиради Жанлука ди Марцио.