УЕФА Россия ёшлар терма жамоаларини мусобақаларга қабул қилишни бекор қилгани йўқ, шунчаки бугунги кунда Россия жамоаларининг ўйинлари учун техник ечим йўқ.
Бу ҳақда ОАВ вакилларига Россия футбол иттифоқи бош котиби лавозимида ишлаб келаётган Максим Митрофанов маълум қилди.
«Ижроия қўмитасига вазиятни ўрганиш топширилди, техник ечим изланмоқда. Нега улар нимадир бекор қилингани ҳақида маълумот тарқата бошлашди, сиз улардан сўрашингиз керак», деди Митрофанов журналистларга.
Эслатиб ўтамиз, УЕФА сентябрь ойи охирида россиялик ёшларни расмий турнирларга қўйишини эълон қилган эди.
Кейинчалик, бир неча ҳафта ўтгач, ташкилот ижроия қўмитаси бу масалани кун тартибидан олиб ташлади. Бу бир қатор мамлакатларнинг бойкот қилиши фонида содир бўлди.
