Лондоннинг “Вест Хэм” клуби чехиялик ярим ҳимоячи Томас Соучек билан янги шартнома борасида музокараларни бошлайди. Football Insider хабарига кўра, музокаралар учун туртки чехияликнинг келаси ёзда "Интер"га кетиши ҳақидаги миш-мишлар бўлади. Негаки, Соучекнинг Лондон клуби билан амалдаги шартномаси келаси ёзда якунига етади.
Эслатиб ўтамиз, жорий мавсум Соучек барча расмий турнирларда 10 та ўйинда майдонга тушиб, 4 та гол ва битта голли узатмани амалга оширган.
28 ёшли чехиялик футболчи 2020 йилдан буён "болғачилар" сафида тўп тепмоқда; аввалроқ у деярли бутун фаолиятини ўзининг ватани "Славия Прага" жамоасида ўтказган.
