Френки де Йонг билан шартномани узайтириш "Барселона"нинг устувор вазифаларидан биридир.
Diario Sport нашри хабарига кўра, спорт директори Деку аллақачон ярим ҳимоячининг агентлари билан боғланиб, эҳтимолий келишувни муҳокама қилган. У масалани йил охиригача ҳал бўлишини истайди, аммо футболчининг агентлари шошилмаяпти.
Амалдаги шартнома 2026 йилнинг ёзига қадар тузилган. "Кўк-анорранглилар" нидерландиялик футболчи билан янги кўп йиллик шартнома тузишга тайёр, аммо муаммолардан бири футболчининг маоши.
Ўтган ёзда де Йонг "Барселона"нинг уни "Манчестер Юнайтед"га сотишга уринишидан жуда норози эди. Ўшандан бери унинг раҳбарият билан муносабатлари яхшиланди, аммо у маошининг камайтирилишига тайёр эмас.
Таъкидланишича, томонлар ҳамкорликни давом эттиришдан манфаатдор эканликлари сабабли келишувни тузишга "маҳкум"дирлар. Бироқ, кейинги ёзгача масала ҳал этилмаса, воқеаларнинг бошқа ривожланиши мумкин.
