"Наполи" ярим ҳимоячиси Пиотр Зелиньски келажаги ҳақидаги саволга жавоб берди.
29 ёшли футболчининг неаполликлар билан шартномаси жорий мавсум охирида якунига етади. Маълумки, клуб шартномани узайтиришдан манфаатдор, аммо миш-мишларга кўра, "Ювентус" ҳам вазиятни кузатиб бормоқда.
“Мен етти йилдан бери шу ердаман ва ҳар доим клуб учун бор кучимни ишга солишга ҳаракат қиламан. Мавсумни қандай бошлаганимдан мамнунман, лекин бундан ҳам кўпроқ ютуқларга эришишга ҳаракат қиламан.
Менинг келажагим? Агент шундай қилади, диққатимни бошқа нарсага қаратганман. Мен бу ерда анчадан бериман, ўзимни “Наполи” етакчисидек ҳис қиламан. Клуб президенти ва футболчилар ўртасидаги яқинда бўлиб ўтган суҳбат ўртамизда қолади, аммо бу ижобий ўтди деб айта оламан", - дея ярим ҳимоячининг сўзларини келтиради TMW.
