Англия футбол ассоциацияси «Манчестер Юнайтед» футболчиси Алехандро Гарначога қарши иш олиб бормоқда.
Футболчи ижтимоий тармоққа дарвозабон Андре Онана билан тушган суратини жойлаштирди ва иккита горилла эможисини қўшди.
Энди Гарначо ирқчиликни кўрсатгани учун жазоланиши мумкин, гарчи Онананинг ўзи бу нашрда ҳеч қандай муаммо кўрмаган.
«Манчестер Юнайтед» бош мураббийи Эрик тен Хаг Онана билан боғлиқ шов-шувли вазиятга изоҳ берди.
«Гарначо дисквалификация қилиниши мумкинми? Мен ҳозир хавотирда эмасман. Биз футбол ассоциасияси билан музокара олиб бормоқдамиз.
Биз бирга эканлигимизни, биз бирлашганимизни таъкидламоқчиман ва буни Онананинг ўз саҳифасида кўришингиз мумкин», деди тен Хаг журналистларга.
