Мадриднинг “Реал” клуби ярим ҳимоячиси Федерико Вальверде “Барселона” ҳимоячиси Рональд Араухонинг иқтидорини юқори баҳолади.
Шанба куни "кўк-анорранглилар" Ла Лига ўйинида ўз майдонида "қаймоқранглилар"ни қабул қилишади. "Эл-класико" олдидан Вальверде терма жамоадаги шериги Рональд Араухо ҳақида ўз фикрлари билан ўртоқлашди.
“Барселона”нинг қайси футболчисини жамоамга оламан? Ўйлайманки, кимни айтишимини кўпчилик жуда яхши билади. Албатта, бу Араухо. Мен учун у дунёнинг энг яхши ҳимоячиларидан бири. У нафақат ажойиб футболчи, балки ажойиб инсон ҳам. Гарчи биз шу даражада рақобатлашсак ҳам, мен унга доим энг яхши тилакларимни тилайман", - дея Вальверде сўзларини келтиради Madrid Zone.
