"Манчестер Юнайтед" вингери Факундо Пельистри истеҳзоли тарзда унинг клуби шаҳарда "Манчестер Сити"га қараганда анча машҳурлигини айтди.
"Манчестер дербиси" якшанба куни "Олд Траффорд"да бўлиб ўтади ва 2020 йилдан бери "Юнайтед"да ўйнаб келаётган Пельистри ўйин муҳитини ҳис қилиш имконига эга бўлган.
"Манчестерда - ҳамма "Юнайтед" учун. Сиз "Сити"нинг футболкалари ёки байроқларини кўрмайсиз. Баъзида мен севгилим билан юриб, ҳазиллашган ҳолда "бир топиб кўрайлик", деймиз, аммо бунинг иложи йўқ", - деди Пельистри Уругвайнинг Carve Deportiva радиосига берган интервьюсида.
