Ҳуқуқлари «Борнмут»га тегишли бўлган 25 ёшли ҳимоячи Ллойд Келли трансфер бозорида талабга эга.
DeadlineDayLive хабарига кўра, футболчи билан Туриннинг «Ювентус», Дортмунднинг «Боруссия»си ва Лондоннинг «Вест Хэм» клублари қизиқиш билдирмоқда.
Келли ва «Борнмут» ўртасидаги амалдаги меҳнат шартномаси 2024 йилнинг ёзига қадар амал қилади. Шу тариқа, жорий мавсум якунлангач, футболчи текинга янги клубига ўтиши мумкин.
Англия премьер-лигасининг жорий мавсумида Ллойд олтита ўйинда қатнашди. Transfermarkt портали экспертлари ҳимоячининг нархини 18 миллион еврога баҳоламоқда.
